 |
|
任達華一世免費為阿杜拍戲
邵美琪多謝伊健恭賀
應屆金紫荊「最佳導演」杜琪㶴、「最佳女配角」邵美琪、「最佳男配角」林雪和「最佳編劇」游乃海和歐健兒，聯同「最佳男主角」任達華，昨日齊集杜琪㶴的電影公司，接受大會補頒的各個獎項。
首次奪獎的邵美琪，因工作在身未能上台領獎，她表示未感可惜，但仍寄望日後尚有機會上台：「真係好多謝杜琪㶴導演，一定要請佢食飯。」問到鄭伊健有否致電恭賀她時，她說：「冇喎！（佢透過報章恭喜你！）咁多謝先。（要佢請食飯？）冇所謂啦！」
影帝任達華則表示收到不少朋友邀請晚膳，他說：「大大話話都有四十餐，我諗要分半年先食得晒！」對於早前黃秋生榮登影帝後，表示霉足三年，華仔說：「我諗咁多個影帝都係得佢一個係咁，其實佢都有戲拍𡦃！自己都接冲西片同廣告，工作都排到密晒，打破冲呢個理論。」他更揚言日後一世免費接拍杜琪㶴的電影，並隨傳隨到。
同樣因工作未能出席頒獎禮的林雪則表示，會將獎座放在家中的當眼處。
|
|
 群星不滿缺席慶功
| |
|
 |
 《PTU》的杜琪㶴（上）、（中排左起）邵美琪、任達華、林雪、（前排左起）歐健兒和游乃海揚威《金紫荊》，可喜可賀。 |
|
|
|
| |